Onsdag 21.februar, kl.18.30 har laget årsmøte i kantina i Stord helsepark. 
Laget vårt har 240 medlemmer, og det er stor aktivitet. Me er så heldige å få leiga bassenget på Rehabsenteret.
Der får du vassgymnastikk med utdanna instruktørar, som veit kva som er gode øvelsar for ein revmatisk kropp.
Bassengtreninga er alfa og omega i laget, men det fins andre tilbod og. Det er 13 personar som har tatt kurs i likepersonsarbeid. Styret består av 5 styremedlemmer og 2 vara.
På årsmøtet får du vita kva laget har gjennomført i fjor, og kva som er planlagt dette året.
Årsmøtet er laget sitt øverste organ, og stemmer over forslag som er komme inn.
Ein valkomite har i haust arbeidd med å finna nye medlemmer til styret, og styret blir valt på årsmøtet.
I år vil naparapat Kjersti halda eit lite foredrag om tilbodet ho gjev i Helseparken.
Det blir servert kaffi og rundstykke, og du får eit lodd i inngangen. Heldig vinnarar får ein liten gevinst.
Vel møtt!
