Aktivitetar i Ulstein Revmatikarlag

BASSENGTRENING I VARMTBASSENGET på Ulstein Arena.

Vi har tre grupper varmtvanns-trening., to grupper mandag på dagtid, og ei gruppe torsdag på kveldstid. Her tilbyr vi trening til musikk med instruktørar. Aktiviteten går frå januar til juni og frå August til Desember.  Her må ein melde seg på om ein vil delta. Ta kontakt med Ingunn Ringstad på tlf 45607798, om dette er noko for deg.

Medlemspris for ein dag pr veke:           1000,-kr for eit halvår, og 90,-kr for enkeltimar.

Pris for ikkje-medlem ein dag pr veke:   1700,-kr for halvåret, og 130,-kr for enkeltimar.

Medlemspris for to dagar pr veke:         1600,-kr for eit halvt år.

Turgruppe

Turane går kvar tysdag kl 11.00 til ulike turmål. Kvar søndag/mandag legg vi ut info om turmål og frammøte på Facebook-sida til Ulstein Revmatikarlag. Turane passar for alle. Nokre går heile turen med kvikke steg, andre går ei kortare strekning i sitt eige tempo. Ein går så langt og fort som kroppen orkar, og ein kan snu når ein vil. Likeperson frå laget er med på turane, og alle er velkomne til å vere med. Sosialt, kjekt og heilt uforpliktande. Kom å bli med oss på tur!

Turgruppa har fått namnet «Grøn Resept».

Vi har no fått refleksvestar med logo på, og vi kan bestille om nokon vil kjøpe (100,-kr for ein vest). Vi har også tur-stavar til utlån, dersom nokon treng å låne.

🚶‍♀️🏃‍♂️

STRIKKE/HANDARBEIDSKVELD på lagslokalet i Sjøgata 13.

Denne aktiviteten er annankvar tysdag frå kl 18.00-21.00. Her kan ein møte opp til strikking/handarbeid og sosialt samvær, der er også kaffi med litt attåt. Pris kr 30,- for kaffi og kake. Alle er velkomne til ein god prat i godt lag. Likeperson frå laget er med på desse kveldane. Tilbakemeldingane har vore: Kjekke, sosiale kveldar med fin stemning og god prat. Invitasjon til strikkekveldane finn du på Facebook-sida vår et par dagar før.

TORSDAGSOPE PÅ LAGSLOKALET I Sjøgata 13.

Annankvar torsdag har vi Open dag på lagslokalet, kl.12.00 – 14.00.

Her kan du kome for å treffe andre og slå av ein prat. Ta med handarbeid om du vil det.

Du får også kaffi og kake for 30,-kr. Likeperson frå laget er med på «Torsdagsope».

Etter kvart vert det høve til handvoksing desse dagane. Vi annonserer på Facebook-sida vår når det startar opp. Invitasjon til Open dag på lagslokalet finn du på Facebook-sida vår eit par dagar før.

Revmatikarlaget har også ei BESØKSGRUPPE på Holsekerdalen 20.

Vi møtest ein torsdag pr mnd og er der frå kl 16.30 til 18.00.

Vi får kaffi og kake, og elles er det god prat og lett underhaldning. Det er fine stunder i lag med bebuarane, med allsong og litt lesing. Vi er 4-5 personar frå revmatikarlaget som er med i denne besøksgruppa.

💖

TEMAMØTE/OPE MØTE. Vi bruker å ha to temamøte/opne møte for året, der vi oftast inviterer ein foredragshaldar til å snakke om eit aktuelt tema. Vi sel også lodd på desse samlingane og sjølvsagt er der mat og kaffi.

Møta er som regel i april/mai og oktober/november. Møta vert annonserte på Facebook-sida vår. Dette er opne møte, der både medlemmer og ikkje-medlemmer er velkomne. Kom gjerne med forslag til eit tema du vil høyre meir om. Då kontaktar du leiar, Linda Iren Pedersen, tlf 99015216

Markering av Revmatikardagane 15. mars og 12. oktober.

Desse dagane prøver vi å få til stand både på Blåhuset og Amfi. Då deler vi ut brosjyrar og informerer om både Norsk revmatikerforbund sentralt og lokallaget vårt, Ulstein Revmatikarlag. Vi har også ei loddbok for den som vil støtte oss.

Vi legg som regel denne markeringa til ein fredag, og annonserer tid og stad på Facbook-sida vår.

Kom gjerne innom standen og slå av ein prat.

Prisar for medlemsskap i Norsk Revmatikerforbund

Hovudmedlem:                         510 kr pr år

Husstandsmedlem:                   205 kr pr år

Ungdomsmedlem (Burg):          255 kr pr år

Dersom du blir medlem i Norsk Revmatikerforbund, blir du også medlem i lokallaget, Ulstein Revmatikarlag.

Info om Norsk Revmatikerforbund finn du på www.revmatiker.no

Les gjerne meir på facebook