Første veka i juni blir 25 deltakarar - både erfarne og nye - oppdatert og motivert for likepersonsarbeidet. Det er viktig å kunne dele erfaringane med kvarandre og få fagleg påfyll.
Kurset går over fire dagar og tek til med ein status av likerpersonsarbeidet i fylket med eksempel frå Sykkylven, Volda/Ørsta, Ålesund, Kristiansund med fleire. Dag to er temaet ”Den gode samtalen”, som er heilt sentral i arbeidet. Ein god kommunikasjon som viser respekt, støtte og oppmuntring til personar med ulike revmatiske sjukdomar/muskel- og skjelettplager.
Tredje dagen skal vi arbeide målretta med tiltak og aktivitetar framover gjennom årshjulet for likepersonsarbeidet. Finansiering må til, og ein søknad til ExtraExpress – ny søknadsrunde 15. september 2016 – kan gi gode tilskott. I gruppesamtalar blir idear og forslag diskutert.
”Moro, enkelt og lærerikt” vil avslutte kurset den ferje dagen. Vi håper at mange likepersonar opplever arbeidet og utfordringar i framtida som engasjerande.
Det sosiale treffet, opplevingar, god mat, bli kjent i området og bli kjent med Reuma-Sol er viktig for å kunne informere om senteret i lokallaga. Kanskje blir det også ein fjelltur for likepersonane der spansk natur kan nytast!