DNT Hytter Kaldhusseter
Invitasjon til midtveketur til DNT Kaldhusseter Turisthytte 09. – 11. juni 2026
Kaldhusseter utleigehytte. Kaldhusseter sjølvbetjent
NRF Møre og Romsdal Fylkeslag inviterer til sosiale og innhaldsrike dagar på Kaldhusseter – innerst i vakre Tafjorden. Hyttene er eigde av DNT Sunnmøre og byr på flotte omgjevnader og gode fasilitetar.
Overnatting:
Kaldhusseter utleiehytte – Om lag 35 sengeplassar fordelt på 16 soverom i to etasjar – Fem bad med dusj (tre i 1.etg, to i 2.etg), der to er tilrettelagde for rørslehemma – Stort kjøkken.
Komiteen handlar inn mat og drikke til felles måltid. Alle hjelper til med dekking, rydding og det som høyrer med.
Kaldhusseter sjølvbetjeningshytte – 30 sengeplassar fordelt på 9 soverom i to etasjar – Første etasje er tilrettelagt for rørslehemma. Bad i 1etg, og toalett i begge etasjane.
Hugs å ta med: handkle, laken, pute- og dynetrekk, og det du elles treng for oppholdet.
Skal du på tur, hugs egna turkle, turstavar og sko til veg og rås – det kan vere vått og moldete nokre stader.
Pris
Fylkeslaget er så heldige å få låne utleigehytta gratis med DNT-Sunnmøre. Vi har også fått DAM-støtte til turen, og difor er prisen lågare for medlemmar.
Medlem: kr 300,- per person for alle dagane – Ikkje medlem: kr 800,- per person for alle dagane.
Sengeplassar blir fordelte etter beste evne. Dersom vi blir mange, må nokre rekne med å liggje i overkøye.
Transport og parkering
Det er avgrensa med parkeringsplassar ved hyttene. Det er derfor sett opp minibuss frå Valldal tysdag kl. 16.30, med moglegheit for å parkere bilen der. Det blir retur frå Kaldhusseter etter lunsj og vask.
Vi oppmodar òg til samkøyring, der de betaler til sjåføren. Vi har forståing for at nokre må køyre heilt fram, og det er mogleg å gi beskjed om dette i påmeldingsskjemaet.
Program (med atterhald om endringar)
Tysdag
Frå kl. 17:00 – Ankomst og innkvartering
Ca kl.19:00 – Informasjon om turmoglegheiter onsdag
20:00 – Middag: Bacalao (saft og vatn blir servert, anna kan takast med)
Onsdag
08:30 – Frukost. Dei som skal på langtur smører niste.
Ca. 10:00 – Ut på tur! (Mange turforslag blir vedlagt)
Lunsj blir laga av dei som er att på hytta. Det finst fleire fine nærturar. Eller du berre nyter roa i og ved hytta.
20:00 – Middag: gryterett (saft og vatn blir servert, anna kan takast med)
Torsdag
08:30 – Frukost Utvask og pakking etter frukost.
Avreise seinast kl. 12:00.
Komiteen handlar inn alt av mat, drikke og snacks for alle dagane. Dersom du ønskjer anna drikke, kan du ta med dette sjølv.
Dette blir nokre dagar med fokus på sosialt samvær. Har du lyst til å bidra med eit lite programinnslag, tek vi gjerne imot det.
Pakk ned kosedressen og sikre deg plass!
Dagsturen (med turleiarar) går til Reindalsetra
Bindande påmelding: Trykk her: https://forms.gle/wfUPV3A4a2YYL5Jp6
Påmeldingsfrist: 14.mai (avgrensa tal plassar) «Først til mølla»
Komiteen og styret gler seg til kjekke dagar i godt lag.
Spørsmål om turen? Send melding til turmednrf@outlook.com All påmelding skjer digitalt via eige skjema.